RUTA EN BAIO POLO RÍO PORTO

O último día de clase aproveitamos para facer unha ruta de sendeirismo con todo o alumnado. A ruta elexida foi o sendeiro limpado recentemente á beira do río Porto (tamén chamado río Grande) que pasa ao lado do noso Instituto.

Tanto o profesorado como o alumnado quedou moi contento co estado do camiño. Esperemos o próximo curso aproveitar moito máis este sendeiro!

Anuncios

Vídeos da ruta Laxe-Camelle

Aquí podes ver os vídeos coas explicacións ambientais e antropolóxicas realizadas por Anair, Uxía e Alejandro durante a ruta de Laxe a Camelle.

RUTA LAXE-CAMELLE

Onte as alumnas e alumnos de 1º de Bacharelato fixeron a ruta máis votada entre as elaboradas por elas e eles mesmos. A elexida foi a ruta entre Laxe e Traba elaborada por Anair, Alejandro e Uxía, e que decidimos ampliar ata Camelle.

A climatoloxía acompañounos para ter unha gran mañá de camiñata, que ademais tivo un compoñente antropolóxico, cultural e científico grazas as interesantes explicacións de Uxía, Alejandro e Anair.

Unha parte do grupo chegando a praia de Soesto
O grupo observando o Roncudo ao fondo
Os guías da ruta
O grupo escoitando as explicacións de Alejandro

RESULTADOS DO TEST DAFIS

Xa están dispoñibles todos os resultados do test de condición física DAFIS. Podes preguntar ao profesor de EF polos teus resultados individuais.

Aquí podes descargar os resultados globais do Instituto por grupos de idade en comparación co resto de Galicia:

E tamén podes ver quenes foron as alumnas e alumnos máis saudables en función dos resultados:

RUTAS DE SENDEIRISMO DE 1º DE BACHARELATO

Con motivo da celebración do Día Mundial do medio ambiente (5 de xuño) o alumnado de 1º de Bacharelato elaborou en grupos para a materia de EF rutas de sendeirismo nos seus concellos, pertencentes as comarcas de Bergantiños e Terra de Soneira.

Mediante votación entre os dous cursos de 1º de Bacharelato, saiu gañadora a ruta de Laxe a Traba, realizada por Uxía, Anair e Alejandro. O martes día 4 de xuño realizaremos a ruta con todas as persoas de 1º de Bacharelato ampliando o percorrido ata Camelle.

Podes descargar aquí os carteis das rutas de sendeirismo co mapa, o perfil, o MIDE e os puntos de interese de cada ruta:

Pinchando no seguinte enlace tamén tes dispoñibles as rutas en formato GPS se queres axudarte na ruta dun dispositivo electrónico:

https://drive.google.com/drive/folders/1-nh7idJPbramxFyNQlxedCF186mTYDP_?usp=sharing

Exposición dos carteis no Instituto